Norge på langs - Pakkeliste

Eg er ikkje eigentleg noko lettvektsentusiast, men på langtur som dette vil lågare vekt gi komfort i kvardagen. For min del handla det også om å redusere belastninga som kroppen vert utsatt for over tid.

Sekken er ein stor del av kvardagen på tur. Den heng på ryggen dag ut og dag inn. Opp bratte fjellsider, og ned like bratte nedstigningar. Noreg på langs er ein fleirårig draum som eg har investert mykje i for å oppnå. Kjøp og test av utstyr, tid til planleggjing og eit halvt år utan lønn. Eg var ikkje villig til å risikere å måtte bryte grunna overbelastning.

Tekst og foto: Oda Ramsdal - Ambassadør, eventyrer og friluftsfotograf

Kva som er bærekomfort vil sjølvsagt variere frå person til person. Det same gjeld kva som vurderast som naudsynt utstyr. Eg er til dømes utruleg glad i å ta bilete, og hadde med eit teleobjektiv på 800g. For nokon framstår sikkert det heilt uforståeleg, men for min del har kamerautstyret større verdi enn vekta den utgjer.

For meg er 20 kg idealvekt, men veit at eg har gått litt over innimellom. Grunnvekta på sekken låg rundt 12 kg + vekta på mat. Sistnemnde varierar basert på etappelengde, kvar den kortaste etappen var seks dagar og lengste tolv dagar. Fleire depo drar ned vekta, og ferre depo drar opp vekta. Maten låg for det meste rundt 8-13 kg per etappe, og sekken var sjølvsagt tyngst dei første dagane etter påfyll. For å redusere total belastning gjekk eg ofte kortare dagar medan sekken var på sitt tyngste, og lengre dagar etterkvart som sekken vart lettare.

Eg har visst at eg skulle gå NPL ei stund, og har hatt det i bakhovudet når eg har investert i utstyr dei siste åra. Ellers kjøpte eg mykje av utstyret inn mot turen brukt, som både hjelp lommeboka og verda.

PAKKELISTE

Innhaldet i sekken for Noreg på langs kjem til å variere gjennom turen. For min tur som gjekk frå 14. mai til 22. oktober endra behova seg med sesongane. I pakkelista har eg difor lagt inn tidsperiode på enkelte punkter.

Grunnutstyr

Sekk (2,3kg)
Telt Helsport Sarek (mai-jun, sept-okt) (1,7kg)
Telt MSR Hubba Hubba (jul-aug) (1,7kg)
Sovepose (860g / comf. t. -5)
Oppblåsbart liggeunderlag (200g)
Skum liggeunderlag (410g)
Truger (mai-juni) (1,8kg)
Soveposeliner (sept-okt) (500g)
Pakkposer
Fiskestang + sluker (jun-sept)
Gåstav

Klær

Turbukse
Skallbukse
Stilongs: x1 (mai-aug) / x2 (sept-okt)
Shorts (jun-aug)
Skalljakke
Dunjakke
Ullfrotte: x1 (jun-aug) / x2 (mai, sept-okt)
Ull t-skjorte (jun-aug)
Lue
Caps
Buff
Solbriller
Handskar
Vindvottar + innervottar (sept-okt)
Gamasjer (mai-jun, sept-okt)

Nytt ved depo:

2x sokker, ull (1 par til å gå med, 1 par til telt)
2x truser, ull
1x sports-BH, ull

Sko

Joggesko (til grus/asfalt)
Crocs (teltsko/vading)
Fjellsko

Kjøkkenutstyr

Kjele
Gassbrennar + gass
Fyrstikker
Suppekopp
Spork
Kniv
Osprey Hydrationpack
Naglene flaske (sept-okt)

Hygiene

Turhandklede + såpe
Tangle Teezer (hårbørste)
Tannkost + tannkrem
Handsprit
Toalettpapir
Menskopp
Intimvask
Solkrem
Myggspray
Ørepropper

Repkit

Ekstra barduner
Skolisser
Lim (rep. av små hull)
Sykit
Ulike tekstiler
Liten leatherman

Førstehjelp

Voltarol Forte Gel
Bacimycin
Pinsett
Knestøtte
Sportstape
Sikkerhetsnåler
Isplaster
Smertestillende
Kompresser
Sårvask (sårservietter)
Plaster
Gnagsårplaster
Kur til urinvegsinfeksjon
Klebrig bandasje (hund)
Sårsalve (hund)

Navigasjon og sikkerhet

Kart + nedlasta kart på mobil
Kompass
DNT Nøkkel
Garmin InReach Mini (hugs abonnement)

Teknologi

Powerbank + lading
Hodelykt
Canon EOS R + 2x batteri
Objektiv / Canon EF 50mm + Canon EF 70-300mm

Thorin (i kløv)

Kløv
Potesokker
Matskål
Liten oppstallingsline (wire)
Leieband
Mat (ekstrem aktivitet tørrfor, frysetørka m/vitaminpulver, ekstra fett)

Mat

Frukost

Müsli/havregryn blanding + smør, sjokoladebiter
Toro Risgraut (hurtigkokt) + smør, rosiner (obs! lågt kaloriinnhald, men magisk alternativ til havregrauten)

Middag

Frysetørka middag + couscous, knuste linfrø, nudler, smør (for å få opp kcal)

Lunsj

Rett-i-koppen suppe + couscous, knuste linfrø, nudler, smør (for å få opp kcal)

Snacking

Bixit, sjokolade, tørka frukt, mårpølse, chips, ostepopp, bjørnebrød (laga sjølv), nøtteblanding, smågodt, energibarer (alt som held matlysta oppe)

Drikke

Istepulver, kakao, solbærtoddy, te

Hadde også med multivitaminer, då det over ikkje akkurat er variert kost.

NORGE PÅ LANGS – en artikkelserie på 8 deler om Oda Ramsdals eventyr gjennom Norge.Serien strekker seg fra starten i Lindesnes i sør, gjennom et vårlig Skarvheimen og Jotunheimen, til sommerligere høyfjell og kystlandskap. I oktober 2021 kunne hun endelig stå på Nordkapp etter nesten et halvt år med sekken på ryggen.